የአፋር ልማት ማህበር ከክልሉ ከፍተኛ ፣ መካከለኛ እና ዞን ወረዳ አመራሮች ጋር የስድስት ወር አፈጻጸም ሪፖርት እና የግንዛቤ ማስጨበጫ የውይይት መድረክ በሰመራ ከተማ እያካሄደ ይገኛል

በዚሁ ውይይት መድረክ ላይ የክልሉ ምክትል ፕሬዝዳንትና መሬት አስተዳደርና አጠቃቀም ቢሮ ሀላፊ አቶ ኡመር ኑር የክልሉ ከፍተኛ አመራሮች ዞንና ወረዳ አመራሮችና በለድርሻ አካላት ተገኝተዋል። በዚሁ ውይይት መድረክ ላይ በመገኘት የመክፈቻ ንግግር ያደረጉት የክልሉ ምክትል ፕሬዝዳንትና መሬት አስተዳደርና አጠቃቀም ቢሮ ሀላፊ አቶ ኡመር ኑር እንደተናገሩት የአፋር ልማት ማህበር የአፋር ህዝብ ችግር በተለያዩ ዘርፍ እየቀረፈ የመጣ ማህበር ነው:: ልማት ማህበሩ በቀጣይ የሚያከናውኑት ተግባራት ስኬታማነት የሁሉም ባለድርሻ አካለት እርብርብ የሚጠይቅ መሆኑን ገልጿል:: የልማት ማህበሩ አላማ አርብቶ አደር ማህበረሰቦች በዘላቂ ልማት፣ ፍትሃዊ የአገልግሎት ተደራሽነት እና ባህላዊ ቅርሶቻቸውን በመጠበቅ የሚለሙበት፣ የሚቋቋም፣ አቅም ያለው እና በራሱ የሚተማመን የአፋር ማህበረሰብ መፍጠር ነው ያሉት የአፋር ልማት ማህበር ዋና ስራ አስከያጅ ዶክተር ኮንቴ ሙሳ ናቸው። አክለውም ዶክተር ኮንቴ ሙሳ የአፋር ማህበረሰብ በኢኮኖሚ እራሱን እንዲችል የኢኮኖሚ አቅምን ለማጎልበት የአፋር ባንክ መቋቋም ሁነኛ መፍትሄ መሆኑን ገልጿል:: ሰመራ፣ መጋቢት 30/2017 Afar Mass Media Agency